Potenciando os recursos do territorio: servizos esenciais para a poboación rural

Dende 20 de abril, 2026 - Ata 20 de abril, 2026

O CDR Portas Abertas convértese nun punto de encontro para impulsar o emprendemento e os servizos esenciais no rural, reunindo a persoas da terceira idade, entidades e empresas nunha xornada pensada para conectar, inspirar e xerar novas oportunidades no territorio.

Categorías: Networking da Rede de Polos

Modalidades: Presencial

🗓️ Luns, 20 de abril I 10:00 h - 13:00 h

📍 Centro de Desenvolvemento Rural (CDR Verín). Avda de Laza, 42, Verín, Ourense

O Polo de emprendemento e apoio ao emprego de Verín, en colaboración co CDR Portas Abertas, organiza a actividade "Potenciando os recursos do territorio: servizos esenciais para a pobación rural".

Esta xornada nace como resposta ao crecente interese polo emprendemento no ámbito rural e na terceira idade, poñendo o foco no papel activo das persoas maiores como motor de cambio e xeración de impacto positivo na comunidade. A actividade está dirixida a persoas da terceira idade, entidades do sector e empresas vinculadas, reunindo arredor de 35 participantes.

O encontro combinará unha primeira parte práctica e inspiradora, cun taller participativo dirixido ás persoas usuarias do centro, impartido por Lorena, creadora do proxecto Xogo de Fíos. A través dunha actividade manual, creativa e inclusiva, amosarase un exemplo real de emprendemento desde a diversidade, no que as capacidades persoais se transforman en oportunidades.

Na segunda parte, desenvolverase unha mesa de diálogo coa participación de profesionais da Cruz Vermella, empresas consolidadas e de recente creación, entidades e iniciativas culturais e persoas vinculadas ao ecosistema emprendedor, inclusión e apoio á terceira idade.

Un espazo para conectar, xerar sinerxías e explorar novas vías de emprendemento vinculadas aos coidados, á atención á dependencia e á mellora da calidade de vida no rural.

Programa

10:00 h - Chegada ao Centro de Desenvolvemento Rural (CDR) de Verín

Presentación da xornada por parte dos representantes do centro e da técnica do Polo, Ánxela Torres, como representante asistente.

10:15 h - Inicio do taller Tecer con fíos, coa emprendedora Lorena Quintas Rejo.

11:45 h - Apertura da Mesa de diálogo co persoal técnico do CDR Portas Abertas ,Cruz Vermella, empresas e entidades vinculadas ao sector.

11:50 h - Desenvolvemento da Mesa: O Diálogo.

12:50 h - Peche da Mesa e conclusións.

13:00 h - Despedida e agradecementos

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar