Potenciando o talento emprendedor: comunicar, conectar e medrar

Dende 29 de maio, 2026 - Ata 29 de maio, 2026

Unha segunda sesión para dar un paso máis aló na túa forma de conectar e facer medrar os teus proxectos. Un encontro práctico para poñer en xogo as ferramentas do networking, ampliar a túa rede de contactos e xerar oportunidades reais dentro da comunidade emprendedora.

Categorías: Networking da Rede de Polos

Modalidades: Presencial

🗓️ Venres, 29 de maio I 10:30 h - 12:30 h

📍 Confederación de Empresarios de Galicia. (Salón Galicia). R/ do Vilar, nº 54, 2º andar, Santiago de Compostela

Tras unha primeira sesión centrada en descubrir as claves dunha comunicación efectiva para facer networking, chega agora o momento de poñelo en práctica.

Este novo encontro, tamén organizado polo Polo de emprendemento e apoio ao emprego de Melide e impartido por Beatriz García Cibreiro de COMUNICARTE, será unha oportunidade para seguir avanzando, compartir o teu proxecto, crear conexións profesionais de valor e explorar novas posibilidades de colaboración dentro da comunidade emprendedora.

Un espazo dinámico para adestrar a túa capacidade de comunicar, ampliar a túa rede de contactos e transformar conversacións en oportunidades reais.

Se participaches na primeira sesión, este é o seguinte paso. Se non puideches asistir, aínda estás a tempo de sumarte. Anímate a formar parte desta experiencia e fai medrar a túa rede e o teu proxecto.

Programa:

10:30 h - Recepción de asistentes e benvida.

10:35 h - Presentación do evento

Presentación do Polo de emprendemento

10:40 h - Comunicar, conectar e medrar

Dña. Beatriz García Cibreiro de COMUNICARTE

Comunicar e dar forma a túa mensaxe
Conectar mediante unha comunicación eficaz para un networking
Medrar e transformar contactos en oportunidades

12:30 h - Peche da xornada

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar