POLO TOUR 2026: Primeira parada

Dende 08 de xullo, 2026 - Ata 08 de xullo, 2026

O POLO TOUR 2026 estrutúrase como unha actividade itinerante na que o Polo de emprendemento e apoio ao emprego de Verín se despraza polas distintas zonas da súa área de influencia co obxectivo de achegar os seus servizos directamente ao territorio. Nesta primeira parada en Xinzo de Limia, colaboraremos coa Asociación de Empresas e Comercios da Limia (PROLIMIA).

Categorías: Networking da Rede de Polos

Modalidades: Presencial

🗓️ Mércores, 8 de xullo I 20:30 h - 22:30 h

📍 Salón de Plenos do Concello de Xinzo de Limia. R/ Curros Enríquez, 15, Xinzo de Limia, Ourense

Tes unha idea de negocio? Xa emprendiches? Es unha persoa autónoma ou formas parte dunha empresa e buscas apoio para seguir medrando?

Esta é a túa oportunidade para coñecer de primeira man todos os recursos e servizos que o Polo de emprendemento e apoio ao emprego de Verín pon á túa disposición.

Nesta primeira parada do POLO TOUR 2026, que contará coa colaboración de PROLIMIA, achegarémonos a Xinzo de Limia para ofrecer información, asesoramento personalizado e un espazo de encontro entre persoas emprendedoras, autónomas, empresas e axentes do territorio.

Durante a sesión poderás:

Coñecer os servizos gratuítos de apoio ao emprendemento e ao emprego.
Resolver dúbidas sobre o teu proxecto ou actividade empresarial.
Recibir asesoramento adaptado ás túas necesidades.
Compartir experiencias con outras persoas emprendedoras e crear novas oportunidades de colaboración.

Se estás pensando en emprender, queres consolidar o teu negocio ou simplemente descubrir que recursos tes ao teu alcance, esta actividade é para ti.

Inscríbete e achégate ao POLO TOUR 2026. Estamos máis preto ca nunca para acompañarte no crecemento do teu proxecto.

Programa:

20:30 h - Chegada ao Concello de Xinzo de Limia, benvida e presentación da actividade.

O persoal técnico do Polo de Emprendemento e Apoio ao Emprego de Verín realizará a presentación dos obxectivos da xornada.

20:45 h - Presentación dos servizos e metodoloxía de asesoramento levada a cabo no Polo de Emprendemento e Apoio ao Emprego de Verín. Cuestións máis relevantes, incluido o Bono Remuda.

21:30 h - Atención e asesoramento personalizado a persoas emprendedoras, autónomas e empresas asistentes. Identificación de necesidades, consultas e oportunidades de apoio.

22:00 h - Espazo networking. Espazo de intercambio e networking entre persoas participantes, orientado á posta en común de proxectos, experiencias e posibles colaboracións.

22:30 h - Peche da sesión, síntese das principais conclusións e agradecementos pola participación

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar