🗓️ Mércores, 29 de xullo I 12:00 h - 14:00 h

📍 Edificio multiusos do Concello da Gudiña. Avda Beato Sebastián de Aparicio, 85, A Gudiña, Ourense

Tes unha idea de negocio? Xa tes un proxecto en marcha? Es unha persoa autónoma ou formas parte dunha pequena empresa? Esta xornada é unha oportunidade para coñecer recursos, resolver dúbidas e atopar novas vías de apoio para impulsar o teu proxecto.

Na parada do Polo na Gudiña, en colaboración co Concello, achegaremos información sobre os servizos dispoñibles en materia de emprendemento e emprego, ofreceremos asesoramento personalizado e crearemos un espazo de encontro para compartir experiencias, conectar con outras persoas emprendedoras e xerar posibles colaboracións.

Unha sesión próxima, práctica e pensada para dar resposta ás necesidades reais do tecido empresarial local.

Ven coñecer os recursos que tes ao teu alcance e descubre como o Polo pode acompañarte no camiño do emprendemento.

Inscríbete e participa!

Programa: 

12.00 h - Chegada ao Concello da Gudiña (edificio multiusos),  benvida e presentación da actividade. O persoal técnico do Polo de Emprendemento e Apoio ao Emprego de Verín realizará a presentación dos obxectivos da xornada.

12.15 h - Presentación dos servizos e metodoloxía de asesoramento levada a cabo no Polo de Emprendemento e Apoio ao Emprego de Verín. Cuestións máis relevantes, incluído o Bono Remuda.

13.00 h - Atención e asesoramento personalizado a persoas emprendedoras, autónomas e empresas asistentes. Identificación de necesidades, consultas e oportunidades de apoio.

13.30 h - Espazo networking. Espazo de intercambio e networking entre persoas participantes, orientado á posta en común de proxectos, experiencias e posibles colaboracións.

14.00 h - Peche da sesión, síntese das principais conclusións e agradecementos pola participación.