Dende 16 de outubro, 2026 - Ata 16 de outubro, 2026
Obradoiro práctico organizado polo Polo de Coristanco para gañar seguridade ao falar, ordenar as ideas e mellorar a voz e a linguaxe corporal. Aplicaremos a oratoria á presentación do negocio e á resposta a preguntas da clientela, con ensaios para mellorar.
Categorías: Formación
Modalidades: Híbrida (presencial+streaming)

🗓️ Venres, 16 de outubro I 10:00h - 13:00h
📍 Sede do Polo de Coristanco. Modalidade híbrida: presencial e en liña.
Tes un bo produto ou servizo, pero ás veces cústache explicar por que deberían elixilo? Saber falar do teu negocio tamén é unha ferramenta para vender.
Neste obradoiro práctico, organizado polo Polo de emprendemento e apoio ao emprego de Coristanco, aprenderás a presentar o que fas con máis seguridade, claridade e confianza, tanto diante da clientela como nunha reunión, nunha feira ou cando simplemente alguén che pregunta: “E ti, a que te dedicas?”
Traballarás, con exercicios e situacións reais:
🔹 Como estruturar e sintetizar a túa mensaxe
🔹 Como usar a voz, a respiración e a linguaxe corporal
🔹 Como controlar os nervios
🔹 Como responder preguntas con seguridade
🔹 Como captar a atención e comunicar o valor do que ofreces
E, o máis importante: non quedarás só coa teoría. Prepararás e ensaiarás unha presentación de dous minutos sobre o teu propio negocio, produto ou servizo, recibindo feedback para mellorala.
Porque se ti non sabes explicar o valor do que fas, será máis difícil que a túa clientela o vexa.
Programa:
10:00–10:15 | Acollida e benvida.
10:15–10:40 | A oratoria para comunicar con seguridade e conectar.
10:40–11:10 | Estrutura dunha mensaxe clara e convincente.
11:10–12:00 | Voz, linguaxe corporal e presenza.
12:00–12:30 | Pausa e intercambio.
12:30–12:50 | Presentar o negocio e responder con seguridade.
12:50–13:00 | Posta en común e peche.
A actividade desenvolverase en modalidade híbrida, na sede do Polo de Coristanco e en liña, e está dirixida a persoas emprendedoras, autónomas e responsables de pequenos negocios.
![]()