🗓️ Martes, 6 de outubro I 12:00 h - 14:00 h 

📍 Paraninfo IES Otero Pedrayo de Ourense. R/ Padre Feijoo, 12, Ourense 

Tes un proxecto, unha empresa ou unha idea emprendedora? Ás veces, o seguinte paso non está en buscar máis lonxe, senón en coñecer a persoas que comparten inquietudes, retos e ganas de crear novas oportunidades.

Desde o Polo do Carballiño queremos seguir tecendo redes no territorio e, nesta ocasión, facémolo da man de Executivas Galicia, unha asociación que traballa para visibilizar e impulsar o papel das mulleres no mundo empresarial.

Será unha xornada presencial en Ourense pensada para coñecerse, compartir experiencias, presentar proxectos e descubrir posibles sinerxías e colaboracións. Un espazo para poñerlle cara a outros profesionais e ampliar a túa rede de contactos. Ademais, será unha oportunidade para coñecer de primeira man os servizos e recursos que ofrece a Rede de Polos de emprendemento e apoio ao emprego. 

Non perdas a oportunidade de sumar novos contactos, ideas e posibilidades ao teu proxecto.

Programa: 

12:00h - Recepción de asistentes e benvida

12:15h -  Presentación da xornada e obxectivos da mesma

12:30h -  Mesa de traballo

13:30h - Petiscos

14:00h - Clausura da xornada