Medrando Xuntas Entre mulleres

Dende 25 de xuño, 2026 - Ata 25 de xuño, 2026

O Polo do Porriño, xunto coa Rede Eusumo e a Asociación “Entre Mulleres”, organiza un encontro para mulleres emprendedoras do rural. Neste encontro coñecerás de primeira man o programa Medrando Xuntas ademais dun proxecto literario de Isabel Delagranja sobre mulleres rurais. Inscríbete a este espazo de networking para favorecer colaboracións e intercambio de experiencias.

Categorías: Conectando o polo co sector...

Modalidades: Presencial

🗓️ Xoves, 25 de xuño I 19:30 - 21:00 h

📍 Sede da Asociación de Mulleres Rurais Entre Mulleres. R/ Ramón Peinador, 38 baixo. Mondariz Balneario

Hai ideas que medran mellor cando se comparten, e proxectos que gañan forza cando se tecen en rede.

“Medrando Xuntas Entre Mulleres” é unha cita para que o emprendemento deixe de ser un camiño en solitario para converterse nun espazo común de inspiración, apoio e colaboración.

Nesta xornada, organizada polo Polo de emprendemento e apoio ao emprego O Porriño e a Asociación de Mulleres Rurais Entre Mulleres e colaboración coa Rede Eusumo - Medrando Xuntas e a escritora Isabel Delagranja, queremos reunir mulleres con inquietudes, proxectos e ganas de avanzar, especialmente no ámbito rural, para crear algo máis ca un encontro: unha rede viva onde as experiencias, as ideas e os soños teñen voz propia.

Será un espazo para coñecer iniciativas que están a transformar o territorio, descubrir o programa Medrando Xuntas e deixar que a palabra e a experiencia flúan entre todas as asistentes.

Tamén haberá lugar para algo moi especial: un proxecto da escritora Isabel Delagranja que rescata e dá vida ás historias das mulleres do rural, lembrándonos que cada traxectoria merece ser contada e valorada. Isabel compartirá os detalles deste fermoso proxecto, no que moitas das asistentes poderán chegar a ser protagonistas.

E como non, pecharemos cun momento distendido, perfecto para falar, coñecerse e deixar que xurdan conexións reais que poidan converterse en colaboracións futuras.

Porque cando as mulleres se atopan, comparten e se apoian, non só medran os proxectos… medra todo o territorio.

Se es emprendedora ou tes un proxecto en mente, este encontro é para ti. Ven, comparte e forma parte desta rede que segue a medrar.

Programa

19:30 h - Recepción de asistentes e benvida

Por parte dos técnicos do Polo e da Presidenta da Asociación de Mulleres Rurais Entre Mulleres

19:40 h - Presentación Rede Eusumo - Medrando Xuntas

20:20 h - Presentación do proxecto Memoria da Terra, de Isabel Delagranxa

20:50 h - Momento aberto para presentacións, consultas e aportacións das participantes

21:00 h - Café networking: Conversas informais e Intercambio de contactos e experiencias

Información adicional

ColaboradoresAsociación de Mulleres Rurais Entre Mulleres

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar