"Le e Emprende". Inspiración, aprendizaxe e acción.

Dende 07 de maio, 2026 - Ata 07 de maio, 2026

O Polo de O Barco, en colaboración con CERCI Sociedade Cooperativa Galega, organiza este obradoiro teórico-práctico deseñado para que as persoas emprendedoras traballen a xestión emocional e a planificación estatéxica desde unha base realista.

Categorías: Formación

Modalidades: Presencial

🗓️ Xoves, 7 de maio I 17:00 h - 19:00 h

📍Salón de Actos da Casa Grande de Viloira. R/ Elena de Quiroga, 1, O Barco de Valdeorras, Ourense

Polo de emprendemento e apoio ao emprego de O Barco, en colaboración con CERCI Sociedade Cooperativa Galega, impulsa esta actividade pensada para darche algo clave no teu camiño emprendedor: equilibrio entre o que sintes e o que planificas.

Anímate a participar neste obradoiro teórico-práctico no que poderás traballar a xestión emocional e a planificación estratéxica desde unha base realista. Porque emprender non vai só de ideas, senón de saber poñer os pés na terra, entender en que punto estás e tomar decisións con criterio e serenidade.

A través dunha metodoloxía dinámica e participativa, este espazo permitirache reflexionar sobre as túas expectativas, identificar que é viable e que non, e construír un camiño máis claro e sostible para o teu proxecto. Combinaranse dinámicas de relaxación, xogos e traballo en grupo para axudarche a aliñar emocións e obxectivos.

Co apoio do libro “Misión Emprender”, de Sergio Fernández e Raimon Samsó, darás forma ás túas ideas desde unha perspectiva práctica, aterrando o teu proxecto en accións concretas e realistas.

Que vas conseguir?

Entender e xestionar as túas emocións no proceso emprendedor
Definir obxectivos claros, realistas e medibles
Construír unha planificación estratéxica adaptada á túa realidade

O obxectivo é que avances con seguridade, coherencia e foco, convertendo as túas ideas en proxectos viables no rural.

Participa e empeza a construír o teu emprendemento con cabeza… e tamén con emoción.

Programa

17:00 h – Recepción e benvida de participantes.

17:10 h – Punto de calma. Exercicio guiado de respiración e relaxación para conectar co obradoiro.

17:15 h – Descodificando o Emprendemento. Xogo de busca de información oculta dentro das palabras "EXPECTATIVAS" e "OBXECTIVOS".

17:45 h – 18:30 Metodoloxía: "A Comparación" Explicación da metodoloxía.Traballo individual, posta en común e debate grupal.

18:30 h – 18:55 Rol-Play: Revisión de Aprendizaxes. Xogo de rol para poñer en práctica os conceptos aprendidos e afrontar retos realistas.

18:55 h – 19:00 Peche e Conclusións. Resumo final.

Información adicional

ColaboradoresCERCI Sociedade Cooperativa Galega

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar