Impulso Local: Emprendemento e Igualdade en Rede

Dende 14 de maio, 2026 - Ata 14 de maio, 2026

Categorías: Conectando o polo co sector...

🗓️ Xoves, 14 de maio I 10:00 h - 14:00h

📍Casa da Cultura de Verín. R/ Irmáns la Salle, Verín, Ourense

Chega a Verín unha xornada única pensada para persoas con inquietudes, ideas ou ganas de dar un paso máis no mundo do emprendemento. Un encontro vivo, diverso e cheo de enerxía onde se porá en valor o talento local, a innovación e o compromiso co territorio.

Que vas atopar?
Un espazo onde diferentes perfís emprendedores compartirán experiencias reais: iniciativas creativas, negocios consolidados, proxectos que regresan ao rural e exemplos de colaboración que funcionan. Un reflexo do dinamismo dunha comarca que non deixa de avanzar.

Ademais, contarás coa visión de entidades que traballan día a día para impulsar a igualdade e fortalecer o liderado feminino, abrindo camiños e xerando oportunidades para todas as persoas.

E para rematar... un momento clave:
Un espazo de encontro libre para conectar, compartir ideas e crear novas alianzas. Porque as mellores oportunidades nacen das conversas.

Se tes unha idea, un proxecto ou simplemente curiosidade… este é o teu sitio.

Apúntate e forma parte dun movemento que medra desde a diversidade, a colaboración e o orgullo polo local.

Programa

10:00 h - Chegada á Casa da Cultura de Verín.

Presentación da xornada por parte dos representantes do Polo de Emprendemento e Apoio ao Emprego de Verín e AEVER (Asociación de Empresarios/as de Verín)

10:15 h - Inicio da primeira parte.

Desenvolvemento da Mesa de Casos de Emprendemento:

Lorena Parada - Rincón Mágico de Épona
José Luis Mateo - Bodega Quinta da Muradella
Cristina López e Guillermo Insua - UNOUNO_arquitectura de interiores
Jaime Vispo - Telas Julia
Elena Tourón - Ugli
Hilda Fernández - Academia A Tempo
Jane Liz - Coeducontando

12:30 h - Inicio da segunda parte. Intervención de programas e entidades de igualdade e liderado feminino.

Medrando Xuntas
FEMURO
CDR Portas Abertas

12:40 h - Presentación e intervención de Medrando Xuntas

13:10 h - Presentación e intervención de FEMURO

13:25 h - Presentación e intervención de CDR Portas Abertas

13:40 h - Espazo micronetworking e peche

14:00 h - Agradecementos e aperitivos

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar