🗓️ Mércores, 12 de novembro | 10:00 - 12:30 h

📍 Oficinas do COE. R/ Rafael Alberti, nº 4, baixo, A Coruña

As mellores ideas nacen cando se comparten. Por iso, o Polo de emprendemento e apoio ao emprego de Ferrol, en colaboración co COE Galicia, organiza unha xornada distendida e chea de enerxía, pensada para reunir a persoas emprendedoras nun espazo vivo e dinámico, onde as conversas flúen e as oportunidades aparecen de maneira natural.

Será un encontro para conectar con outras persoas emprendedoras, intercambiar experiencias, establecer contactos valiosos e descubrir novas vías de colaboración que poidan facer medrar o teu negocio.

O obxectivo é claro: axudarche a expandir a túa rede de contactos, aprender, colaborar e medrar nun ambiente de confianza e apoio mutuo. 

Se buscas inspiración, alianzas estratéxicas ou simplemente un espazo onde sentirte parte dunha comunidade que impulsa o cambio…esta é a túa cita!

🗓️ Programa da xornada 

10:00 h -  Recepción de asistentes e benvida 

10:10 h - Explicación ás persoas asistentes da dinámica que se traballará na xornada. Speed Networking con Propósito: 

Cada unha das persoas participantes terá 2 minutos para presentar o seu proxecto e compartir unha necesidade actual que permita activar o grupo e provocar a súa colaboración e participación.

A presentación de cada persoa emprendedora debe incluír 3 elementos: 

1.     Quen son e que fago.

2.     Un aspecto único ou diferencial do seu proxecto.

3.     Unha necesidade ou reto actual no que agradecería axuda, ideas ou contactos.

10:20 h - 1ª Parte do Speed Nerworking:

Cada unha das persoas participantes fará unha presentación do seu proxecto ao resto para darse a coñecer e poder chegar a crear sinerxías entre elas. 

11:20 h - Café networking

11:45 h - 2ª Parte do Speed Nerworking:

Cada unha das persoas participantes fará unha presentación do seu proxecto ao resto para darse a coñecer e poder chegar a crear sinerxías entre elas.

12:20 h - Conclusións e peche da xornada