IA para o teu negocio I: primeiros pasos

Dende 03 de xuño, 2026 - Ata 03 de xuño, 2026

Actividade organizada polo Polo de emprendemento e apoio ao emprego de Mondoñedo para achegar a intelixencia artificial ás persoas emprendedoras. Unha sesión práctica para descubrir como a IA pode axudarche a mellorar e impulsar o teu negocio desde o inicio.

Categorías: Formación

Modalidades: Online

🗓️ Mércores, 3 de xuño I 16:00 h - 17:30 h

💻 En liña

A intelixencia artificial xa non é unha tecnoloxía do futuro: é unha ferramenta accesible que está transformando a maneira de traballar, crear e facer crecer os negocios. Saber como pode axudarche desde o inicio pode marcar a diferenza entre adaptarte ao cambio… ou quedar atrás.

Se tes un proxecto emprendedor, estás pensando en poñer en marcha unha idea ou simplemente queres descubrir como aproveitar as oportunidades que ofrece a IA no teu día a día profesional, esta formación organizada polo Polo de emprendemento e apoio ao emprego de Mondoñedo é para ti.

“IA para o teu negocio I: primeiros pasos” é unha sesión introdutoria e práctica impartida por Lorena Rey, consultora en Estratexia, Márketing e Desenvolvemento de Negocio e pensada para achegar a intelixencia artificial ás persoas emprendedoras dun xeito claro, útil e sen complicacións técnicas. Ao longo da actividade descubrirás que é realmente a IA, como pode axudarche a aforrar tempo, mellorar procesos e tomar mellores decisións, ademais de coñecer ferramentas sinxelas que xa podes empezar a aplicar no teu negocio.

A través dunha metodoloxía participativa, con exemplos reais e exercicios prácticos, aprenderás a identificar oportunidades para incorporar a IA no teu proxecto, independentemente do sector no que desenvolvas a túa actividade.

Non é necesario ter coñecementos previos, só curiosidade e ganas de explorar novas formas de impulsar o teu negocio.

Dá o primeiro paso cara a unha maneira máis intelixente de emprender.
Descubre como a intelixencia artificial pode converterse na túa aliada para innovar, optimizar o teu tempo e facer medrar a túa idea con máis confianza.

Programa

16:00 h - Recepción de asistentes e benvida.

16:05 h - Presentación da formación que impartirá Lorena Rey, consultora en Estratexia, Márketing e Desenvolvemento de Negocio

16:10 h - Desenvolvemento da actividade:

- Que é a IA e por que é clave ao emprender

- Ferramentas e chats

- Creación de promts útiles e a súa aplicación

17:20 h - Preguntas e dúbidas

17:30 h - Peche da actividade

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar