Froitos do bosque en Galicia: o potencial das berries

A Asociación Galega de Cooperativas Agroalimentarias (AGACA) organiza a xornada formativa sobre oportunidades de negocio "Froitos do bosque en Galicia: o potencial das berries" no marco da Rede Eusumo.

Data: 25 de xuño

Horario: de 09:30 h a 14:30 h

Modalidade: Online

A actividade está dirixida a:

• Socios e socias das cooperativas agroalimentarias
• Persoas que teñan vinculación coa economía social
• Produtores/as do sector agrario, persoal técnico, investigadores/as, estudantado e público interesado

Obxectivos:

• Transferir ao tecido cooperativo galego o coñecemento técnico e empresarial acumulado no sector dos froitos do bosque en Galicia e noutras rexións de referencia
• Presentar sistemas de produción reais, viables e escalables adaptados a explotacións medianas e pequenas agrupadas en cooperativas
• Identificart oportunidades concretas de transformación, valor engadido e comercialización que melloren a rendibilidade do produtor galego
• Analizar as condicións agronómicas específicas de Galicia para cada especie: que funciona, que non e por que

Programa:

• BLOQUE I - Apertura e contexto sectorial
  • Os froitos do bosque en Galicia: situación actual, evolución do sector e claves do éxito atlántico
• BLOQUE II - As especies: agronomía e sistemas de produción
  • O arando en Galicia: variedades, solo e manexo en produción convencional e ecolóxica
  • Fresa, framboesa e mora: sistemas de produción intensiva baixo plástico para o mercado de verán e outono
• BLOQUE III - Agronomía aplicada: implantación e manexo en Galicia
  • Como iniciar un cultivo de froitos do bosque en Galicia: decisións clave antes de plantar
• BLOQUE IV - Poscolleita, transformación e comercialización
  • Poscolleita e transformación de froitos do bosque: calidade, conservación e produtos derivados
  • Como vender froitos do bosque: mercados, prezos e acceso a canles desde Galicia
  • Mesa aberta de debate: preguntas e comentarios

Inscripcións disponibles a través do seguinte formulario

Máis información: visita a web agaca.coop ou contacta a través de agaca@agaca.coop