Foro emprender no mar: oportunidades de futuro

O Foro “Emprender no Mar: Oportunidades de Futuro” é un encontro centrado no emprendemento vinculado ao sector marítimo, co obxectivo de destacar o seu potencial como motor de desenvolvemento económico, innovación e creación de novas oportunidades, especialmente no contexto de Ferrolterra.

Ao longo da xornada Brais Merino de ES·MAR compartirá a súa traxectoria, visión e aprendizaxes durante aproximadamente unha hora ou unha hora e media. O formato afástase das charlas tradicionais, apostando por un enfoque dinámico e participativo no que o público poderá intervir, formular preguntas e xerar un diálogo aberto arredor do emprendemento no mar.

Durante a sesión principal poderanse abordar cuestións clave relacionadas coas oportunidades que ofrece o sector marítimo para emprender, así como os retos actuais, a evolución do tecido produtivo ligado ao mar, a innovación e a importancia da colaboración entre diferentes axentes do ecosistema. O obxectivo é ofrecer unha visión ampla e realista do potencial que presenta este ámbito como espazo de desenvolvemento de novas iniciativas empresariais.

Tras a sesión, o encontro continuará cun almorzo pensado para crear un ambiente máis distendido no que as persoas asistentes poidan coñecerse, intercambiar impresións e establecer posibles conexións profesionais e sinerxías.