Fomentando a transmisión de negocios

Dende 24 de marzo, 2026 - Ata 24 de marzo, 2026

Un encontro para coñecer as oportunidades que ofrecen o Bono para a Remuda Xeracional e as axudas para a Rehabilitación de Vivendas no Rural, claves para emprender e asentarse no territorio

Categorías: Formación

Modalidades: Presencial

🗓️ Martes, 24 de marzo I 18:00 h - 19:15 h

📍 Sala Multiusos da Oficina do Polo de Monforte. R/ San Pedro, 1, Monforte de Lemos

Queres emprender no rural ou coller o relevo dun negocio xa en marcha? Esta información interésache!

Moitas persoas con ganas de emprender descoñecen unha oportunidade clave: o Bono para a Remuda Xeracional, unha axuda pensada para facilitar que negocios viables continúen e pasen a novas mans. Grazas a este apoio, é posible iniciar un proxecto empresarial partindo dunha actividade xa consolidada.

Ao mesmo tempo, un dos grandes retos no rural é atopar vivenda para persoas emprendedoras e traballadores. Por iso, tamén se presentarán as Axudas para a Rehabilitación de Vivendas no Rural, unha oportunidade para recuperar inmobles e crear novas opcións de aluguer.

Nesta actividade formativa participativa daranse a coñecer:

Os detalles e vantaxes do Bono para a Remuda Xeracional.
As subvencións para rehabilitar vivendas no rural.
Oportunidades reais para emprender, vivir e traballar no territorio.

Un espazo pensado para informar, resolver dúbidas e conectar oportunidades para o futuro do noso rural.

Inscríbete e descobre como estas axudas poden axudarche a dar o paso.

Programa

18:00 h - Recepción de asistentes e benvida.

18:10 h - Presentación do Polo de emprendemento e da actividade

18:20 h - Descrición e pormenores do Bono Remuda Xeracional e da axuda para rehabilitación de vivendas no rural

19:00 h - Quenda de preguntas

19:15 h - Nekworking - Petiscos

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar