Fiscalidade para emprendedores: claves prácticas para evitar erros e entender os números do teu negocio

Dende 10 de xuño, 2026 - Ata 10 de xuño, 2026

Sesión práctica para persoas emprendedoras e autónomas na que se explican de forma sinxela os conceptos básicos de fiscalidade, facturación e impostos, con exemplos reais para mellorar a xestión do negocio.

Categorías: Formación

Modalidades: Online

🗓️ Mércores, 10 de xuño I 10:00 h - 12:00 h

🖥️ En liña. Enviarase ligazón 24 horas antes da sesión

Se estás a emprender ou acabas de comezar co teu proxecto, seguro que che soa isto: facturas, impostos, autónomos, IVE… e unha chea de conceptos que ás veces non son fáciles de entender cando estás poñendo en marcha un negocio.

No Polo de emprendemento e apoio ao emprego de Vilanova de Arousa detectamos que moitas persoas emprendedoras comparten as mesmas dúbidas nas primeiras etapas: non sempre está claro canto se está a gañar realmente, que gastos se poden ter en conta, como funcionan os impostos ou que implica darse de alta como autónomo. Tamén é habitual cometer pequenos erros nas primeiras facturas, non ter unha visión clara da rendibilidade do proxecto ou delegar completamente a parte fiscal sen chegar a entendela de verdade, o que xera inseguridade á hora de tomar decisións.

Por iso organizamos esta sesión práctica, pensada para achegar de forma clara e sinxela os conceptos básicos de fiscalidade aplicados ao emprendemento, con exemplos reais e explicacións adaptadas ao día a día. Trátase de entender mellor os números do teu negocio para que poidas tomar decisións con máis seguridade, evitar erros habituais, mellorar a relación coa túa asesoría e ter unha visión máis real da situación económica do teu proxecto.

Apúntate e comeza a entender o teu negocio desde dentro, con máis claridade e confianza.

Programa

10:00 h - Benvida a asistentes e presentación da sesión
Presentación da formación, obxectivos e enfoque práctico da xornada.

10:10 h - Conceptos básicos de fiscalidade para emprendedores

Que é o IRPF
Diferenza entre ingresos, gastos e beneficio.
Como se calcula o rendemento dunha actividade económica e cales son os rexímenes para calculalo.
Principais obrigas fiscais dunha persoa autónoma
Custes reais da actividade

10:30 h - Principais erros e dúbidas habituais

Como facer unha factura correctamente
Gastos deducibles
Alta en autónomos e epígrafes
Compatibilidades e obrigas
Relación coa asesoría.

11:00 h - Casos prácticos e exemplos reais

Exemplo de facturación
Cálculo de impostos
Situacións frecuentes no inicio da actividade
Interpretación básica de resultados

11:30 h - Quenda aberta de preguntas e resolución de dúbidas

11:50 h - Titorías especializadas, enquisa de valoración e peche da sesión
Presentación do acompañamento dispoñible desde o Polo, realización da enquisa de valoración e peche da formación.

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar