🗓️ Martes, 27 de xaneiro | 10:00 - 14:00 h 

📍Polo de Ferrol. R/ María, n· 158, Ferrol 

Emprender é moito máis ca ter unha boa idea: tamén é saber manexar os números que a fan sostible. Se ás veces os custos, os ingresos ou a planificación económica che soan a algo complexo, esta formación é para ti.

O Polo de Ferrol, en colaboración coa Cámara de Comercio de A Coruña, lanza esta oportunidade para perderlle o medo ás finanzas e aprender, paso a paso, como funciona a economía do teu proxecto. Nun formato breve e dinámico, a formación desenvolverase en dúas sesións complementarias: 

A primeira xornada terá un carácter fundamentalmente teórico e estará orientada a introducir os conceptos financeiros básicos tales como ingresos, gastos, custos fixos e variables, marxe, punto de equilibrio, liquidez e planificación financeira básica.

A segunda xornada, que se desenvolverá o 29 de xaneiro e á que te podes inscribir AQUÍ, terá un enfoque eminentemente práctico, no que se aplicarán os coñecementos adquiridos previamente mediante exercicios, casos prácticos e exemplos adaptados á realidade de pequenas iniciativas empresariais.

Programa da 1ª Xornada - 27 de xaneiro

10:00 h - Apertura da xornada 

• Presentación da persoa poñente, da formación e dos obxectivos 

10:10 h 

• Introdución ás finanzas para emprendedoras: a importancia das finanzas para o éxito dun negocio 
• Organización financieira persoal e profesional: aprende a separar as túas finanzas persoais e empresariais 

12:00 h - Pausa café 

12:15 h   

• Ingresos, gastos e fluxos de efectivo: principais ingresos e gastos nun negocio 
• Prezos e rentabilidade: como fixar os teus prezos e calcular os teus custos 

14:00 h - Peche da xornada 

Consulta o programa do 29 de xaneiro AQUÍ 

Apúntate e comeza a darlle forza ao teu proxecto: un espazo para gañar seguridade, tomar mellores decisións e poñer as bases económicas do teu negocio!