Enredadas no cambio (Galicia-Perú)
Dende 15 de maio, 2026 - Ata 15 de maio, 2026
Trátase dun encontro de intercambio de experiencias e saberes que conecte esta experiencia no territorio galego, con outras emprendedoras e redes de emprendemento. Esta visita é unha oportunidade para tecer redes, compartir coñecemento e seguir construíndo propostas transformadoras en común.
Categorías: Conectando o polo co sector...
Modalidades: Presencial
🗓️ Venres, 15 de maio I 11:00 h - 15:30 h
📍 Santoalla do Monte, Petín, Ourense
O Polo de emprendemento e apoio ao emprego de O Barco organiza en colaboración con Taller de Solidaridad (TDS), Cutivalú e Matria Cheas de Vida un encontro moi especial dentro do programa Enredadas no Cambio, unha iniciativa que promove un emprendemento inclusivo, feminista e con impacto social, conectando experiencias locais e globais.
A actividade propón un espazo de intercambio entre Galicia e Perú, no que mulleres emprendedoras de distintos territorios comparten experiencias, aprendizaxes e formas de facer empresa dende o coidado, a sostibilidade e o impacto comunitario.
Santoalla do Monte (Petín) acollerá esta xornada de encontro e convivencia entre emprendedoras peruanas e galegas, nun ambiente próximo e participativo:
- Lidia, lideresa comunitaria e integrante de redes de mulleres na súa rexión, virá xunto a Jessy Castillo, coordinadora do proxecto, co obxectivo de compartir aprendizaxes e experiencias. Ambas veñen dende Perú.
- Dende Galicia, contaremos con Margo Pool (productora de queixo de cabra) e Elvira e Laura (Matria cheas de vida).
Ao longo do día haberá presentacións, unha dinámica grupal, un paseo polo entorno e un xantar comunitario en formato picnic, pensado como un espazo informal para conversar, coñecerse e xerar redes reais.
Programa:
11:00 h - Partiremos dende un punto de encontro en A Rúa https://maps.app.goo.gl/B5dc5nxTKhVet6ki8 destino a Santoalla do Monte (Petín), onde Margo Pool nos recibirá no seu fogar.
11:30 h - Chegada a Santoalla do Monte.
11:35 h - Benvida, presentacións das participantes. Marta Vázquez Guzmán (Directora territorial da Consellería de Emprego, Comercio e Emigración da Xunta de Galicia en Ourense.
11:40 h - Dinámica grupal “Enredadas no cambio”
13:00 h - Pequeno paseo por Santoalla do Monte (Anfitriona: Margo Pool).
13:30 h - Xantar comunitario. A xornada continuará cunha comida conxunta en formato picnic, un momento distendido para seguir conversando, coñecéndonos e fortalecendo a rede.
15:30 h - Peche da xornada, levando con nós novas ideas, conexións e enerxía para seguir impulsando iniciativas transformadoras.
