Emprender: unha alternativa para iniciar a vida profesional

O Polo de emprendemento de Verín  achegará  ao alumnado exemplos de emprendementos de éxito reais e especialmente recoñecidos e admirados pola xente nova. A análise destas experiencias permitiralles comprender mellor como xorden as ideas emprendedoras, que dificultades poden aparecer no camiño e que factores contribúen ao éxito dun proxecto, fomentando así unha actitude crítica e reflexiva fronte ao mundo do emprendemento.

Na segunda metade do taller introducirase aos alumnos nos conceptos básicos do emprendemento e da xestión empresarial, co obxectivo de familiarizalos coa creación dun proxecto propio viable e con cabida no mercado.

Para finalizar, darase a coñecer o Polo de Emprendemento e Emprego de Verín e o acompañamento que ofrece ás persoas emprendedoras ao longo de todas as fases do proceso empresarial.