Emprender sen empezar de cero.

🗓️ Xoves, 21 de maio I 10:30 h - 12:30 h 

📍 Sede do Polo de O Porriño. R/ Ramiranes, n9, O Porriño 

O relevo xeracional é clave para evitar que negocios viables pechen por falta de continuidade. En Galicia existe o Programa Remuda, unha oportunidade para emprender collendo negocios xa en funcionamento.

O Polo de O Porriño, xunto con ASEFIS – Asesoría Fiscal Vigo, organiza unha xornada práctica onde descubrirás:

• Como funciona o Programa Remuda e que axudas ofrece
• Dúbidas frecuentes sobre traspasos de negocios
• Casos reais de persoas que xa emprenderon con éxito
• Espazo de networking para crear novas oportunidades

Unha forma de emprender sen partir de cero, con negocios consolidados e apoio da Xunta de Galicia.

 Apúntate e descubre unha nova forma de emprender!

Programa: 

10:30 h - Recepción de asistentes e benvida

Acollida das persoas participantes e apertura da xornada. 

10:45 h - Mesa redonda: “Emprender sen empezar de cero.”

O equipo técnico do Polo de O Porriño explicará de forma práctica as vantaxes do Programa Remuda, a súa utilidade e a necesidade de darlle maior visibilidade, así como os detalles da axuda: persoas beneficiarias, requisitos, contías, prazos e procedemento de solicitude. 

A continuación, abrirase un diálogo con asociacións, persoas emprendedoras e axentes do territorio para compartir experiencias sobre o relevo xeracional nos seus concellos.

12:15 h - Espazo de experiencias en primeira persoa:

En primeiro lugar, ASEFIS comentará sobre os clientes que acoden á súa asesoría para informarse dos traspasos que están na bolsa Remuda, así como das dúbidas máis comúns que adoitan ter.

Despois diso, presentarase historias reais sobre relevo xeracional: persoas que decidiron ceder o seu negocio e outras que apostaron por darlle continuidade.

Coñeceremos de primeira man como foi o proceso, que dificultades atoparon e que apoio recibiron.

12:30 h -Networking e peche da sesión:

A xornada rematará cun encontro social no Classic Bar, onde se ofrecerán pinchos e bebida nun ambiente distendido para seguir compartindo experiencias.