🗓️ Mércores, 16 de setembro I 16:00 h - 19:00 h 

📍 Maruxía Pastelería. R/ Angelo Colocci, n 29, Lugo

Detrás de cada proxecto hai unha historia, unha idea e moitas horas de traballo. Pero tamén hai retos, aprendizaxes e oportunidades que poden ser compartidas.

Por iso chega esta xornada, organizada polo Polo de Friol, como un encontro pensado para reunir mulleres emprendedoras, compartir experiencias reais e crear novas conexións que poidan converterse en colaboracións e oportunidades.

Coñeceremos os recursos do Polo de Emprendemento de Friol e o programa Medrando Xuntas da Rede Eusumo.

Escoitaremos as experiencias de emprendedoras de diferentes sectores na mesa redonda «Emprender en Feminino: experiencias que inspiran».

E, para rematar, teremos un café networking no que seguir conversando, intercambiando ideas e facendo rede.

Se es emprendedora, autónoma, estás a poñer en marcha un proxecto ou simplemente tes unha idea que che gustaría desenvolver, este encontro é para ti.

Programa: 

16:00 – Benvida e recepción.

16:10 – Presentación do Polo de Emprendemento de Friol: recursos e oportunidades para emprender.

16:15 - Presentación do programa Medrando Xuntas

16:50 – Mesa redonda: "Emprender en Feminino: experiencias que inspiran".

Participación de mulleres emprendedoras de diferentes sectores que compartirán a súa traxectoria, os retos afrontados e as claves do desenvolvemento dos seus proxectos.

17:50 – Diálogo aberto e intercambio de experiencias.

18:15 – Preguntas e respostas.

18:30 – Café networking.

19:00 – Peche da actividade