🗓️ Martes, 10 de marzo I 10:00 h - 14:00 h 

📍 Sede do Polo de Monforte. R/ San Pedro, 3, Monforte de Lemos, Lugo 

Emprender non é só cuestión de ilusión: tamén require planificación, reflexión e números claros. Por iso, o Polo de Monforte de Lemos organiza unha nova actividade formativa dirixida a todas aquelas persoas con espírito emprendedor que desexen transformar unha idea nun proxecto empresarial real, estruturado e viable. Trátase dunha proposta pensada tanto para quen está dando os primeiros pasos como para quen xa leva tempo madurando unha iniciativa pero precisa ordenar conceptos, analizar números e gañar seguridade antes de lanzarse ao mercado.

Emprender é moito máis que ter unha boa idea. É saber definir con claridade que problema se resolve, a quen se dirixe o produto ou servizo, como se vai diferenciar da competencia e, sobre todo, se pode sosterse no tempo desde o punto de vista económico. Nesta formación, as persoas participantes aprenderán a deseñar un plan de negocio básico que lles permitirá poñer por escrito, de maneira estruturada e comprensible, todos os elementos esenciais do seu proxecto empresarial.

Participar nesta actividade supón, en definitiva, gañar claridade, confianza e capacidade de planificación. Esta é unha ocasión para dar o paso con criterio e visión de futuro.

Ademais, esta formación ofrece unha ferramenta especialmente útil para quen estea interesado en acceder a financiamento público. O plan de negocio que se desenvolverá servirá como base sólida para a presentación de solicitudes de axudas e subvencións, facilitando a xustificación do proxecto e mellorando as posibilidades de éxito nas convocatorias. Dispor dun documento claro, coherente e ben estruturado marca a diferenza á hora de presentar unha iniciativa ante administracións, entidades financeiras ou potenciais colaboradores.

Programa 

10:00 h - Recepción de asistentes e benvida. 

10:10 h - Presentación do evento 

10:15 h - Introdución ao emprendemento e ao plan de negocio 

10:30 h - 

Definición da idea de negocio 

Taller práctico: definición do proxecto 

11:00 h 

Análise básico de mercado 

Taller práctico: estudo básico práctico 

11:30 h - Pausa Cafe Networking 

12:00 h - 

Modelo económico inicial  

Taller práctico: uso da ferramenta de planificación financieira 

13:00 h - Recursos de financiamento e apoio ao autoemprego

13:30 h - Estrutura final do plan de negocio 

14:00 h - Peche da xornada