🗓️ Xoves, 25 de xuño I 10:00 h - 12:00 h

💻 En liña. Enviarase ligazón 24 horas antes da sesión 

Vender non é cuestión de sorte nin de improvisación. É cuestión de ter un camiño claro que acompañe ás persoas clientes desde o primeiro contacto ata a decisión final.

Nesta segunda sesión da formación "Do valor ao peche: deseña un embude comercial efectivo" organizada polo Polo de Baños de Molgas e impartido por Alicia Jover, afondaremos precisamente nese camiño: como converter o teu proceso comercial nun sistema ordenado, coherente e adaptado á realidade do teu proxecto.

Despois de ter definido a túa proposta de valor, toca darlle forma a como se move o teu cliente dentro do proceso de venda: que necesita en cada momento, que información busca, en que puntos pode dubidar e que accións poden axudarche a acompañalo mellor ata o peche.

Será unha sesión moi práctica, centrada no teu propio proxecto, na que irás construíndo paso a paso a estrutura do teu embude comercial e traducindo ideas en accións concretas.

Programa

10:00 h - Introducción e benvida 

10:05 h - Contido temático: 

• Fases do embude comercial. 
• Accións comerciais e de comunicación en cada fase.
• Xeración de confianza e seguimento. 
• Identificación de obxeccións e momentos clave para o peche.
• Deseño do embude comercial propio. 
• Priorización de accións para poñelo en marcha.

12:00 h - Peche da xornada