🗓️ Martes, 23 de xuño I 10:00 h - 12:00 h 

💻 En liña. Enviarase ligazón nas 24 horas previas á sesión 

Tes unha boa idea, pero cústache converter o interese dos teus clientes en vendas reais? Queres comunicar mellor o valor do teu proxecto e ter máis seguridade nas conversas comerciais?

Esta formación, organizada polo Polo de Baños de Molgas e impartida por Alicia Jover, está pensada para persoas emprendedoras que queren fortalecer a súa estratexia comercial e aprender a acompañar aos seus clientes desde o primeiro contacto ata a decisión de compra.

Nun formato práctico e participativo, traballaremos sobre o teu propio proxecto para axudarche a identificar con claridade quen é o teu cliente ideal, que necesidades ten e como construír unha proposta de valor diferenciada e orientada á venda.

O obxectivo é que poidas empezar a construír o teu propio embude comercial e definir as accións necesarias para transformar oportunidades en clientes.

A formación contará cunha segunda sesión o día 25 de xuño: https://polosemprendemento.gal/calendar/do-valor-ao-peche-desena-un-embude-comercial-efectivo_bloque-ii 

Se queres vender con máis confianza, comunicar mellor o valor do que fas e crear un proceso comercial máis eficaz, esta sesión é para ti.

Programa 

10:00 h - Introducción e benvida

10:05 h - Contido temático:

• Cliente ideal e necesidades reais.

• Proposta de valor orientada a vendas.

• Dor, desexo, obxeccións e motivacións de compra.

• Percorrido do cliente antes da decisión.

• Identificación de fugas ou puntos débiles no proceso comercial actual

12:00 h - Peche da xornada