Difusión da cultura emprendedora do Polo de Mondoñedo no IES San Rosendo

A actividade consiste nunha charla de difusión por parte do Polo de Mondoñedo da cultura emprendedora dirixida ao alumnado do último ciclo formativo de diferentes especialidades do IES San Rosendo. O obxectivo principal é achegar o emprendemento como alternativa viable de futuro profesional, reforzando a autoestima e a iniciativa persoal, así como dar a coñecer os servizos e recursos dispoñibles a través dos Polos de Emprendemento da Xunta de Galicia. A sesión pretende inspirar á mocidade a explorar camiños propios e conectar co potencial emprendedor do seu territorio.