Difusión da cultura emprendedora no IES Becerreá

O Polo de Emprendemento e apoio ó emprego de A Fonsagrada organiza esta actividade de difusión da cultura emprendedora no IES Becerreá, dirixida ás persoas participantes na súa formación. A través dunha intervención informativa, exemplos inspiradores e unha sinxela dinámica de reflexión, visibilizarase o autoemprego como unha opción realista ao remate do itinerario formativo.

Ademais, daranse a coñecer os recursos e servizos de apoio dispoñibles nos Polos de Emprendemento da Xunta de Galicia. 

A sesión busca activar unha actitude proactiva ante o futuro laboral, reforzar a autoestima profesional e conectar coa realidade emprendedora do territorio.