Difusión da cultura emprendedora CIFP Fraga do Eume

O Polo de empredemento e apoio ao emprego Ferrol impartirá o 14 de novembro un obradoiro no CIFP Fraga do Eume co obxectivo de fomentar a cultura emprendedora entre os estudantes do centro. Este obradoiro, que busca incentivar a mocidade a considerar o emprendemento como unha opción profesional viable, proporciona formación práctica e teórica sobre a creación e xestión de negocios. A iniciativa favorece o desenvolvemento de competencias clave como a creatividade, a capacidade de traballar en equipo, a comunicación efectiva e a toma de decisións. Deste xeito, o obradoiro non só pretende dotar aos estudantes das ferramentas necesarias para emprender, senón tamén sensibilizalos sobre os retos e as oportunidades do mundo empresarial actual, contribuíndo ao desenvolvemento económico local e ao fortalecemento do espírito emprendedor entre a mocidade.