🗓️  Mércores, 22 de abril I 10:00 h - 12:00 h 

💻 En liña (enviarase ligazón nas 24 h antes da sesión) 

Poñer en marcha un proxecto ou facelo medrar require moito esforzo… pero saber se realmente funciona é outra historia. Moitas persoas con iniciativas propias facturan, teñen actividade constante e mesmo avanzan, pero seguen con dúbidas á hora de interpretar as cifras ou anticiparse aos momentos complicados.

Esta proposta formativa, organizada polo Polo de Sarria, nace para cambiar iso. Ao longo de dúas sesións dinámicas e moi prácticas, descubrirás como interpretar de verdade a información económica do teu proxecto, sen tecnicismos nin complicacións. Aprenderás a diferenciar entre actividade e resultados reais, a manter o control do diñeiro dispoñible e a detectar sinais de alerta con tempo suficiente para actuar.

O obxectivo é claro: que poidas tomar decisións con seguridade, utilizando os datos como un aliado no día a día do teu negocio.

Está pensada para persoas con iniciativas propias, traballadores por conta propia, profesionais e responsables de pequenos proxectos, independentemente da súa traxectoria. Non fai falta experiencia previa: só ganas de entender mellor como funciona a parte económica do que fas.

Programa

10:00 h - Benvida/Apertura

10:10 h - Os 4 números que todo emprendedor debe dominar

• Ingresos
• Custos 
• Marxe 
• Beneficios

10:30 h -  Custos fixos e variables 

10:50 h -  Exercicio práctico

11:15 h -  Cálculo de custos fixos, variables e marxe básica dun negocio

11:35 h - Lectura práctica da Conta de Explotación

11:50 h -  Punto de equilibrio

12:00 h - Peche