🗓️ Venres, 5 de xuño I 12:30 h - 14:00 h 

📍 Sede do Polo de Monforte. R/ de San Pedro, n3, Monforte de Lemos

Axudar a emprender é moito máis eficaz cando se fai en equipo. Por iso, desde o Polo de emprendemento e apoio ao emprego de Monforte organizamos unha xornada de traballo con entidades e profesionais do territorio para parar, reflexionar e avanzar xuntos.

Será un espazo para poñer en común a realidade do emprendemento na zona, compartir experiencias reais e detectar tanto os retos como as oportunidades que temos por diante. Unha oportunidade para aliñar esforzos, mellorar a coordinación entre axentes e construír unha rede máis forte e útil para as persoas emprendedoras.

A través dunha dinámica participativa, falarase de necesidades, recursos dispoñibles e novas vías de colaboración que permitan dar unha mellor resposta ao territorio e impulsar novas iniciativas.

E, como non, tamén haberá tempo para conversar de forma máis distendida e seguir creando conexións que suman.

Un encontro para pensar, compartir e construír futuro. Porque cando os axentes colaboran, o emprendemento medra.

Programa

12:30 h - Recepción de asistentes e benvida. 

12:35 h - Mesa de análise: situación actual do emprendemento no territorio
(Intervención dos axentes participantes compartindo experiencia e visión)

13:15 h - Identificación de necesidades e oportunidades
(Dinámica participativa cos axentes)

13:45 h - Conclusións e definición de liñas de traballo futuras

14:00 h - Peche da xornada- Petiscos e espazo informal de networking