🗓️ Mércores, 1 de outubro | 10:00 - 13:30 h 

📍 Pazo Vista Real. Camiño de Boutrín, 7, 36629 Vilanova de Arousa, Pontevedra

Unha das competencias fundamentais para as persoas emprendedoras é a xestión da imaxe pública e a exposición social. Un proxecto de calidade chegará máis lonxe se quen está detrás ten a confianza e ferramentas para proxectarse con seguridade cara a clientes, investidores ou entidades colaboradoras.

O Polo de Vilanova de Arousa organiza esta sesión, impartida pola coach Paula Núñez, na que abordar os medos e barreiras que entorpecen a comunicación e confianza precisas para mostrarse en público. 

A sesión constará dun exercicio práctico que permita ás persoas participantes desenvolver as súas propias estratexias para avanzar na súa visibilidade. Traballaranse as emocións propias, así como as que se queren xerar na audiencia, e por suposto a mensaxe que se quere transmitir e a xestión das opinións de terceiros. 

Programa:

10:00 h - Recepción de asistentes e benvida

10:10 h - Presentación da Rede de polos

10:20 h - As redes sociais como novos buscadores, a importancia para o emprendemento. “A túa Folla de Roteiro, do invisible ao visible”

• A través deste exercicio práctico as persoas emprendedoras deseñarán a estratexia que lles permita identificar e avanzar no seu plan de visibilidade.
  1. Emocións: Que sinto e como podo xestionalo.
  2. Mensaxe: Que emocións quero xerar na miña audiencia e para que.
  3. Preparación: Deseño da mensaxe, canles, recursos necesarios, periodicidade...
  4. Presentación: Calma e confianza, técnicas de afrontamento. Resolución de imprevistos.
  5. Reflexión: Autoavaliación emocional, feedback.
• Acordo final, inclúe contrato simbólico e mantra “apagalumes”.

12:50 h - Despedida e peche

13:00 h - Café-Viño español

Aprende a xestionar a exposición social e potencia os teus proxectos a través da túa imaxe pública, e inscríbete!