Conectar para emprender: sinerxias entre axentes do territorio

Dende 17 de xuño, 2026 - Ata 17 de xuño, 2026

O Polo de Emprendemento de Vilanova de Arousa organiza esta xornada para xuntar persoas e entidades que impulsan o emprendemento no territorio, crear conexións reais e xerar novas oportunidades de colaboración dentro do ecosistema emprendedor galego.

Categorías: Networking da Rede de Polos

Modalidades: Presencial

🗓️ Mércores, 17 de xuño I 10:00 h - 13:00 h

📍 Sede do Polo de Vilanova de Arousa. Pazo de Vista Real. Camiño de Boutrín, n7, Vilanova de Arousa, Pontevedra

O emprendemento medra cando existen conexións, colaboración e comunidade. Por iso, o Polo de emprendemento e apoio ao emprego de Vilanova de Arousa organiza esta xornada pensada para reunir a persoas e entidades que traballan apoiando o emprendemento no territorio.

“Conectar para emprender” será un espazo dinámico para coñecer outros axentes, compartir experiencias, descubrir proxectos e abrir novas vías de colaboración que axuden a fortalecer o ecosistema emprendedor galego.

Ao longo da xornada haberá presentacións, paneis de proxectos, espazos de diálogo e dinámicas participativas orientadas a crear sinerxías reais entre entidades, profesionais e persoas vinculadas ao apoio ao emprendemento.

Se formas parte dunha entidade, asociación, plataforma, proxecto ou iniciativa relacionada co emprendemento, esta é unha oportunidade para ampliar rede, intercambiar visións e detectar posibles colaboracións.

Apúntate e forma parte dun encontro pensado para conectar talento, ideas e oportunidades no territorio.

Programa

10:00 – 10:10 h - Benvida e presentación da Rede de Polos.

10:10 - 10:35 h - Panel de Proxectos Institucionais

10:35 - 11:00 h - Panel de Axentes Estratéxicos

11:00 - 11:45 - Dinámica de traballo entre os asistentes

11:45 - 11:50 h - Conclusións

11:50 - 12:00 h - Despedida e peche

12:00 – 13:00 h - Networking con catering

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar