Conectando o Polo coas razas autóctonas

Dende 03 de xullo, 2026 - Ata 03 de xullo, 2026

Encontro práctico sobre as razas autóctonas galegas e o seu papel no desenvolvemento de proxectos gandeiros sostibles, no que se presentarán recursos de apoio, experiencias reais e oportunidades de emprendemento no medio rural.

Categorías: Conectando o polo co sector...

Modalidades: Presencial

🗓️ Venres, 3 de xullo I 10:30 h - 13:30 h

📍 LembraEco S.C, Lugar de Leboreira, Palas de Rei

Se estás a pensar en poñer en marcha un proxecto gandeiro ou en darlle un novo impulso á túa explotación, esta é unha oportunidade única para coñecer alternativas reais con futuro no territorio.

Desde a Rede de polos de emprendemento e apoio ao emprego seguimos a traballar para conectar ás persoas emprendedoras coas oportunidades que ofrece o medio rural. No Polo de Friol detectamos un interese crecente por modelos gandeiros sustentables, diferenciados e vencellados aos recursos locais, onde as razas autóctonas galegas teñen un papel fundamental.

Con este encontro, “Conectando o Polo coas Razas Autóctonas”, queremos achegarte de forma directa e práctica todo o que necesitas saber para valorar a incorporación destas razas nas túas iniciativas: o seu potencial produtivo, o seu valor engadido e os apoios existentes.

Da man de entidades de referencia como Asoporcel, BOAGA e PURAGA, coñecerás o traballo que desenvolven, os servizos que ofrecen e experiencias reais de explotacións que xa apostaron con éxito por estes modelos. Ademais, poderás escoitar un caso de éxito que che permitirá ver, con exemplos concretos, as oportunidades que poden abrirse.

Non será só unha sesión informativa: será un espazo dinámico de encontro, onde poderás resolver dúbidas, intercambiar impresións e establecer contactos directos co sector. E para pechar, compartiremos un café-petisco pensado precisamente para seguir creando conexións nun ambiente máis próximo e distendido.

Unha ocasión perfecta para inspirarte, coñecer novas vías de emprendemento e conectar con entidades e persoas que poden axudarche a dar o seguinte paso no teu proxecto gandeiro.

Programa:

10:30 Benvida e recepción.

10:40 Presentación do Polo de emprendemento: recursos e oportunidades

10:50 Presentación das Asociacións e Razas Autóctonas

11:30 Mesa redonda de Casos de éxito-Experiencias reais

12:15 Diálogo aberto

12:30 Preguntas e respostas

13:00 Café networking en Cantina Ferreira. https://maps.app.goo.gl/PXJbscYfAFAkVrYU9

13:30 Peche da actividade

Información adicional

ColaboradoresAsoporcel, Boaga, Puraga e LembraEco

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar