Conectando o Polo co sector Agrogandeiro como impulsor da economía no rural

Dende 29 de abril, 2026 - Ata 29 de abril, 2026

Unha mañá para conectar ideas, persoas e futuro no corazón do rural. O Polo de emprendemento e apoio ao emprego Melide organiza un encontro no que as persoas participantes poderán coñecer e traballar sobre as novas posibilidades e oportunidades que ofrece o sector agrogandeiro

Categorías: Conectando o polo co sector...

Modalidades: Presencial

🗓️ Mércores, 29 de abril I 10:30 h - 13:15 h

📍 Sede do Polo de Melide. R/ Convento, 1, Melide

O talento do sector agrogandeiro ten unha cita en Melide. Esta xornada, organizada polo Polo de emprendemento e apoio ao emprego de Melide, nace para crear un punto de encontro real entre persoas emprendedoras, proxectos e entidades que están a transformar o rural con novas ideas e enfoques.

Nun ambiente dinámico e participativo, diferentes iniciativas compartirán a súa experiencia en formatos áxiles: historias que inspiran, retos que nos interpelan e oportunidades que poden abrir novas vías de colaboración. Será tamén un espazo para escoitar, preguntar e, sobre todo, conectar.

Ademais das presentacións, haberá tempo para o networking, favorecendo o intercambio de contactos, a creación de sinerxías e o descubrimento de recursos que impulsen novos proxectos.

Unha xornada pensada para dar visibilidade ao que xa está a medrar no territorio… e para seguir sementando futuro no rural.

Programa

10:30 h - Recepción de asistentes e benvida

10:45 h - Presentación do evento

11:00 h - Informe de actividade do Polo dende o seu inicio: Polo de Melide

11:15 h - Sesión de traballo con proxectos do sector:

Zaira Rodríguez e Fernando Lagoeiras CASA EIRAS
Mónica Requeijo GANADERÍA AS VACAS DOS MEUS e VACANTES.GAL
Lucía Casal GANADERIA CASAL VAZQUEZ
Laura Fernández GRANXA AVÍCOLA
Sandra Mella FINCA FONTEBOA
Martín Salgado HORTO TIÑO
Erisbel Borges e Bryan Tailor PRECISE FUTURE
Brígida Hermida XEARTE BRIGITTE

12:15 h - Espazo networking. Pausa café

12:45 h - Recolleita de datos e presentación de conclusións

13:15 h - Peche da xornada

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar