🗓️ Venres, 15 de maio I 10:00 h - 13:00 h 

📍 Sede do Polo de Coristanco. Centro de Promoción Rural - EFA Fonteboa, Lugar Feiranova, s/n, Coristanco, A Coruña 

Se tes un proxecto, es autónomo ou levas unha pequena empresa, esta sesión organizada polo Polo de emprendemento e apoio ao emprego de Coristando está pensada para ti. Porque vender non é só cuestión de produto, senón de como o contas, como conectas e como transmites confianza.

Traballaremos con situacións reais de venda para que aprendas a comunicar mellor o valor do que ofreces, entender o que realmente necesita a túa clientela e responder con seguridade ás dúbidas máis habituais. Todo cun enfoque práctico, directo e sen rodeos.

Ao longo da sesión verás exemplos claros, farás exercicios útiles e levarás ferramentas que poderás aplicar desde o minuto un para mellorar os teus resultados e transformar máis contactos en clientes reais.

Se queres vender con máis seguridade, máis naturalidade e menos presión, este é o teu sitio.

Programa:

10:00 h - Benvida e presentación da xornada

10:10 h - Comprender ao cliente para vender mellor

10:50 h - Presentar valor e xerar confianza

11:30 h - Pausa-café networking

12:00 h - Obxeccións e peche da venda

12:20 h - Aplicación práctica a situacións reais

13:00 h - Peche da xornada