Coñece os apoios ao emprendemento

🗓️  Xoves, 16 outubro 2025 | 17:30 a 19:30

📍 Biblioteca municipal de Esgos. Praza da Souteira s/n

Á hora de poñer en marcha un proxecto de emprendemento, é fundamental contar con tanto apoio e axuda como sexa posible. Porén, non sempre se coñecen todos os recursos ao noso alcance. O concello de Esgos é consciente desta situación e, para remediala, ofrece esta formación xunto ao Polo de Baños de Molgas para poñer a disposición das persoas participantes todos os recursos da administración pública galega.

Nesta sesión afondarase na importancia de contar cunha metodoloxía clara e planificada para o desenvolvemento dun negocio. Non está enfocada exclusivamente a persoas que están no proceso de emprender por primeira vez, senón que tamén se ofrecerá información a aquelas persoas emprendedoras que xa teñan certa traxectoria, especialmente nos sectores de turismo e hostalería.

Tras a xornada, as persoas participantes contarán coas ferramentas precisas para sacar adiante os seus proxectos e fortalecer o comercio da comarca. 

Programa: 

17:30 h - Recepción de asistentes e benvida. Presentación da xornada.

17:40 h - Presentación do Polo e os seus servicios

17:50 h - Explicación das principais subvencións da nosa consellería dirixidas tanto a novos emprendedores coma a persoas con proxectos iniciados e/ou consolidados. A cargo dos técnicos do Polo Baños de Molgas: Verónica Ferraro e José Manuel Gómez Cabo

18:15 h - Subvencións específicas para os sectores de turismo e hostalería

18:45 h - Outras posibles subvencións ou liñas de financiación

19:05 h - Rolda de preguntas e aclaración de dúbidas

19:15 h - Networking

19:30 h - Peche de xornada

Se tes calquera dúbida sobre como poñer unha empresa en funcionamento, inscríbete!