🗓️ Martes, 14 de outubro | 10:30 - 13:00 h 

📍 Oficina do Polo de emprendemento Monforte de Lemos- Rúa San Pedro, 1

O manexo persoal das finanzas debería ser sistemático e partir da comprensión de certos conceptos económicos para tomar as decisións financeiras de xeito informado. O Polo dMonforte de Lemos organiza esta sesión para mellorar a capacitación financeira das persoas participantes, e que repercuta asemade nos seus proxectos empresariais.

O orzamento, as distintas opcións de financiamento, os dereitos como cliente bancario son parte dos contidos que se tratarán nesta formación impartida polos técnicos do Banco de España. Tras este itinerario, cada participante terá as ferramentas para traballar a súa seguridade financeira. 

Programa

10:30 h - Recepción de asistentes e benvida.

10:40 h - Presentación institucional 

10:45 h - Ponencia: Planificación das finanzas. Que debo saber ao contratar unha financiación? A cargo dos técnicos do Banco de España.

• Definición de finanzas
• Concepto de riqueza e seguridade financieira
• O orzamento como ferramenta fundamental
• Compoñentes do orzamento
• Financiación

12:45 h - Preguntas e dúbidas

13:00 h - Agradecemento e peche da actividade formativa

Planifica con máis fundamentos as túas finanzas individuais e inscríbete!