🗓️ Martes, 14 de xullo I 10:00 h - 12:30 h 

📍 Xardíns Rosalia de Castro, 1, Maceda, Concello de Maceda 

Emprender é un reto, pero non tes por que facelo soa. Nesta actividade, organizada polo Polo de Baños de Molgas, descubrirás recursos, ferramentas e oportunidades que poden axudarche a converter unha idea nun proxecto sólido e viable.

Ao longo da sesión coñecerás as principais axudas e subvencións ás que podes acceder, as diferentes opcións para crear o teu negocio e os aspectos básicos que debes ter en conta para iniciar ou consolidar a túa actividade. Ademais, presentarase Medrando Xuntas, un proxecto pensado para acompañar ás mulleres emprendedoras, ofrecendo asesoramento, apoio e recursos para fortalecer o seu camiño empresarial.

Se estás pensando en emprender, se acabas de comezar ou se buscas novas oportunidades para facer crecer o teu negocio, esta formación é para ti.

Anímate a participar! Investe unhas horas en coñecer información útil, resolver dúbidas, conectar con outras mulleres emprendedoras e dar un paso máis cara ao teu futuro profesional.

Programa: 

10:00 h - Recepción de asistentes e benvida. Presentación da xornada.

10:10 h - Presentación do Polo e os seus servicios

10:15 h - Explicación das principais axudas e subvencións da nosa consellería dirixidas a mulleres tanto a novas emprendedoras coma aquelas con proxectos iniciados e/ou consolidados.

10:40 h - Explicación das principais formas xurídicas.

11:10 h -  Que é Economía social. Relatorio a cargo de Álex Pereira

11:50 h - Que é o Programa Medrando Xuntas Relatorio a cargo de Cristina Mosteiro

12:20 h - Rolda de preguntas e aclaración de dúbidas

12:30 h - Peche de xornada