Comunicación para un networking efectivo

Dende 07 de maio, 2026 - Ata 07 de maio, 2026

O Polo de Melide organiza unha formación práctica para descubrir estratexias e habilidades de comunicación para establecer vínculos empresariais como ferramenta clave para xerar oportunidades, visibilidade e crecemento profesional. Non quedes sen praza!

Categorías: Formación

Modalidades: Presencial

🗓️ Xoves, 7 de maio I 10:30 h - 13:00 h

📍 Lugar: Confederación de Empresarios de Galicia. (Salón de Actos) R/ do Vilar, n 54, baixo, Santiago de Compostela

No Polo de Melide poñemos o foco nun aspecto clave para o crecemento profesional: a capacidade de comunicar e crear relacións que xeren oportunidades reais. Moitas persoas con proxectos interesantes atopan dificultades á hora de transmitir o seu valor ou de aproveitar ao máximo os espazos de contacto profesional. Por iso, propoñemos unha experiencia pensada para dar ese salto.

Trátase dunha proposta práctica e dinámica na que combinarás contidos claros con exercicios reais que che permitirán mellorar a túa forma de relacionarte no ámbito profesional. Aprenderás a moverte con soltura en contornas de contacto, a identificar oportunidades e a sacar partido a cada conversa.

Traballarás estratexias para ampliar a túa rede, gañar seguridade ao presentar o teu proxecto e construír unha mensaxe propia, clara e diferenciadora. O obxectivo é que cada interacción deixe pegada e poida converterse nunha colaboración futura.

Se queres destacar, conectar con intención e transformar conversas en oportunidades, este é o teu espazo.

Programa

10:30 h - Recepción de asistentes e benvida

10:35 h - Presentación do evento

Presentación do Polo de emprendemento

10:40 h

Comunicación para un networking efectivo

Dña. Beatriz García Cibreiro de COMUNICARTE

Claves dun networking efectivo
A comunicación como ferramenta diferencial
Cómo construír unha mensaxe que conecte
Estratexias para ampliar a túa rede de contactos
O seguimento, onde ocorre o verdadeiro networking

12:30 h

Espazo networking. Petiscos

13:00 h

Peche da xornada

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar