Camiño do Emprendemento Musical chega a Muxía cun bootcamp para profesionais e proxectos emerxentes do sector musical

Dende 29 de maio, 2026 - Ata 30 de maio, 2026

O Camiño do Emprendemento Musical chega a Muxía os días 29 e 30 de maio de 2026 cun formato de bootcamp dirixido a persoas vinculadas á música, á produción, á creación artística, á promoción de eventos e ao emprendemento cultural.

Categorías: Foro/Encontro aberto

A iniciativa, organizada por Wake Up! coa colaboración da Xunta de Galicia e do Camping Lagomar, propón dous días de formación, convivencia, networking e actividades musicais nunha contorna singular da Costa da Morte. O programa combina obradoiros prácticos, sesións de aprendizaxe, espazos para compartir experiencias e actuacións musicais.

A actividade forma parte do Camiño do Emprendemento Musical, unha iniciativa orientada a conectar talento, industria musical e emprendemento en Galicia, seguindo a liña de anteriores encontros do programa.

Programa do venres 29 de maio

A primeira xornada comezará ás 16:30 h coa presentación do programa e unha sesión de networking entre as persoas asistentes.

Ás 17:00 h terá lugar o Obradoiro para promotores de eventos, centrado en como crear unha marca e un ciclo de eventos desde cero, coa participación de Jose Patiño e Alejandro Pena.

Ás 19:00 h, Zero Delay impartirá o Obradoiro de produción musical, no que se abordará a creación dun tema paso a paso.

A xornada pecharase ás 20:30 h con cea e actuacións musicais.

Programa do sábado 30 de maio

O sábado comezará ás 10:00 h co almorzo e continuará ás 11:00 h cunha andaina polo Camiño dos Faros – Ponte do Porto.

Ás 13:00 h celebrarase un xantar e sesión vermú con actuacións musicais. Pola tarde, ás 16:00 h, terá lugar a sesión Psicoloxía e saúde mental na industria electrónica, con Isabel Folla e Mario García.

Ás 17:30 h, Brenda Serna impartirá unha sesión sobre inicio e desenvolvemento de carreira artística. Posteriormente, ás 19:00 h, desenvolverase o Obradoiro de DJ, con Muiños e Karras Martínez.

O bootcamp rematará ás 21:00 h cunha cea e novas actuacións musicais.

Aloxamento

As persoas participantes poderán reservar aloxamento no Camping Lagomar, con dúas opcións dispoñibles:

Bungalow enteiro para 4 persoas
100 €/noite
Inclúe unha habitación con cama de matrimonio, unha habitación con dúas camas individuais e almorzo.

Bungalow compartido para 3 persoas
30 €/persoa/noite
Inclúe tres camas individuais e almorzo.

As reservas deben realizarse a través do correo: info@campinglagomar.es

Información práctica

📅 Data: Venres 29 e sábado 30 de maio de 2026
📍 Lugar: Muxía – Camping Lagomar
🏷 Modalidade: Presencial
🛠 Organiza: Wake Up!
🤝 Colabora: Xunta de Galicia
🏕 En colaboración con: Camping Lagomar
📩 Reservas de aloxamento: info@campinglagomar.es

Información adicional

ColaboradoresWake Up! y Camping Lagomar

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar