Apicultura e territorio: emprendemento sostible no ámbito do Polo de Emprendemento de Verín

Dende 28 de maio, 2026 - Ata 28 de maio, 2026

Encontro sobre apicultura que combina experiencias profesionais, mesa de debate e degustación de meles locais, para reflexionar sobre os retos do sector e poñer en valor o seu papel clave no desenvolvemento do medio rural.

Categorías: Conectando o polo co sector...

Modalidades: Presencial

🗓️ Xoves, 28 de maio I 10:00 h - 14:00 h

📍 Sede do Polo de Verín. Estrada do Polígono Industrial, n 99, Pazos, Verín

A apicultura é moito máis ca unha actividade tradicional: hoxe é tamén un sector con gran potencial emprendedor, innovador e sostible, clave para a biodiversidade e o desenvolvemento do noso rural.

Con esta actividade organizada polo Polo de Verín en colaboración coa Cooperativa Verín Biocoop SCG convidámoste a participar nun encontro único no que coñecerás experiencias reais de profesionais do sector, descubrirás proxectos inspiradores e poderás achegarte aos principais retos aos que se enfronta a apicultura na actualidade: desde o impacto dos incendios forestais e a vespa velutina, ata os efectos do cambio climático ou a evolución cara a novos modelos de produción e comercialización.

Un espazo pensado para compartir coñecemento, reflexionar xuntas e xuntos e poñer en valor o papel estratéxico das abellas e do mel no noso territorio.

E para rematar, gozaremos dunha degustación de meles locais, unha experiencia sensorial para descubrir aromas, sabores e a identidade do produto apícola da nosa comarca, favorecendo ademais o encontro entre persoas participantes.

Unha xornada para aprender, inspirarse e conectar co futuro do rural. Apúntate!

Programa

10:00 h - Recepción de asistentes e benvida ao Polo de emprendemento e apoio ao emprego de Verín

10:15 h - Inicio da primeira parte. Presentación dos casos de éxito vinculados ao sector apícola:

José Antonio "Ñaka": cofundador de Aialma
Néstor Ogando: xerente de Frutimel e alcalde de A Gudiña
Mónica Herrera: cofundadora de Apícola A Meleira

11:15 h - Inicio da segunda parte. A MESA DE DEBATE DE APICULTURA

Anabel Dacosta: Asesora e tramitadora de explotacións apícolas (Verín Biocoop SCG)
Vicente Dacal: Veterinario oficial da Oficina Rural de Verín (Consellería do Medio Rural da Xunta de Galicia)
Román Cid: Un dos fundadores e principais promotores da Asociación Abellas Nais, ex presidente do colectivo e profesor de apicultura de recoñecido prestixio
Abel Kavanagh: localización de nidos de velutina mediante radio telemetría, tecnoloxía desenvolvida por ROBOR Nature para controlar la invasión da vespa velutina
Chivi-Fire: Proxecto desenvolvido por alumnas do IES Xesús Taboada Chivite de Verín, consistente nun líquido ignífugo biodegradable para a contención de incendios forestais
Apicultores: José Antonio Pazos “Ñaka”, Néstor Ogando e Mónica Herrera

13:15 h - Inicio da degustación de meles dos apicultores participantes

13:55 h - Peche da actividade e agradecementos

14:00 h - Petiscos

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar