Amas da Terra by Lucía Freitas: Talento, territorio e emprendemento feminimo

Dende 16 de xuño, 2026 - Ata 16 de xuño, 2026

Unha xornada para inspirarse, compartir experiencias e fortalecer o papel das mulleres como motor de transformación e desenvolvemento do territorio.

Categorías: Conectando o polo co sector...

🗓️ Martes, 16 de xuño I 9:45 h - 13:15 h

📍 Casa do Mel (ó lado do Restaurante Casa Díaz). Carretera de Pontedeume, Goente, As Pontes

Hai nomes que non aparecen nos libros, pero que sosteñen a memoria dun pobo. Hai mans que sementaron tradicións, coidaron comunidades e transmitiron saberes que hoxe forman parte da identidade de Galicia. Esas mans teñen nome de muller.

Amas da Terra é moito máis ca unha xornada organizada polo Polo de emprendemento e apoio ao emprego de Ferrol: é un encontro para recoñecer, compartir e construír. Un espazo pensado para mulleres emprendedoras, profesionais, axentes do territorio e todas aquelas persoas que cren no poder transformador das redes e do talento feminino.

Da man de Lucía Freitas, coñeceremos un proxecto que rende homenaxe ás mulleres que fixeron da gastronomía e da cultura galega un legado vivo. Escoitaremos historias reais de mulleres da contorna que abriron camiños, superaron retos e converteron as súas ideas en oportunidades.

Pero tamén será un momento para mirar cara ao futuro. Para sentarnos arredor dunha mesa, compartir experiencias, descubrir os recursos do territorio e crear novas alianzas. Porque cando as mulleres se atopan, nacen as ideas. E cando colaboran, medra o territorio.

Se tes unha iniciativa, un proxecto, unha inquietude ou simplemente ganas de conectar con outras mulleres que inspiran e transforman, este é o teu lugar.

Vén formar parte de Amas da Terra. Porque as raíces que nos unen son tamén a forza que nos impulsa.

Programa

9:45 h - Recepción de asistentes e benvida

10:00 h - Presentación do programa Amas da Terra: Lucía Freitas e Toni Fernández.

10:15 h - Intervención de tres mulleres da contorna, que compartirán a súa experiencia persoal e profesional, así como as súas traxectorias no ámbito social, cultural e emprendedor:

Cristina Pérez Parga. Granxa Lourán
Carmen Caínzos. Ay Carmen! Marmeladas e pementos
Isabel Goti Caaveiro. Apicultora e técnica en Cada do Mel de Goente

11:15 h - Descanso e café

11:45 h - Laboratorio amas da Terra

13:15 h - Peche da xornada e despedida

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar