ALENTO LIVE: Os pecados capitais da comunicación no emprendemento e nas PEMEs

A comunicación é unha das ferramentas máis poderosas para que un proxecto emprendedor ou unha pequena empresa poida medrar, diferenciarse e conectar co seu público. Porén, na práctica, seguen sendo frecuentes erros que restan visibilidade, credibilidade e oportunidades reais de negocio. Nesta xornada práctica e dinámica, profesionais do sector compartirán, a través de casos reais, cales son eses erros máis habituais… e, sobre todo, como evitalos.

Un encontro para aprender, conectar e compartir

ALENTO LIVE está concibido como un espazo para:

• Conectar con persoas emprendedoras, PEMEs e profesionais da comunicación, creando sinerxías e novas colaboracións.

• Escoitar charlas inspiradoras, con ideas clave para mellorar a comunicación de proxectos e negocios, baseadas en experiencias reais.

• Recibir feedback en directo a través da presentación de proxectos participantes no programa ALENTO, coa visión de profesionais con ampla traxectoria.

Axenda da xornada

• 10:30 h | Inicio da xornada
  Presentación e contextualización do peche do Programa ALENTO 2025.

• 10:35 h | Benvida institucional e balance ALENTO 2025
  Intervirán representantes do Clúster da Comunicación de Galicia e da Consellería de Emprego, Comercio e Emigración, destacando os principais logros e aprendizaxes desta edición.

• 10:50 h | Os pecados capitais da comunicación no emprendemento e nas PEMEs
  Coloquio dinámico con profesionais do sector que expoñerán erros habituais na comunicación empresarial e ofrecerán recomendacións prácticas. Participan:

  • Isaac González (Recados Carmen / Rei Zentolo)

  • Paula Bouzas (Mardy Bum)

  • Nuria Goldar (Digma Digital)

  • Jerónimo Cabanas (Bannister Global)

• 11:30 h | Da invisibilidade ao impacto: estratexia dixital para PEMEs
  Charla orientada a mellorar a presenza dixital dos pequenos negocios, a cargo de Jesús López, xerente de Ontyche.

• 12:15 h | ALENTO LIVE · Pitch & Feedback
  Presentación de proxectos emprendedores ALENTO con feedback profesional:

  • Silvia Martínez (Barvantia)

  • Álvaro Vázquez (AV Mesas de Autor)

  • Cintia Lomba (Skeirrum)

• 12:35 h | Pincho & Networking
  Espazo informal para compartir experiencias e establecer contactos.

Un peche para celebrar o impacto do Programa ALENTO

ALENTO LIVE será tamén unha oportunidade para poñer en valor o camiño percorrido ao longo da edición 2025 do programa, coñecer casos reais de persoas emprendedoras participantes e celebrar, nun ambiente colaborativo, o impacto xerado no tecido emprendedor galego.

A asistencia é de balde, con inscrición previa obrigatoria.

👉 Inscricións abertas: Non perdas a oportunidade de participar neste encontro de referencia para a comunicación no emprendemento.